This post is also available in: English

Sa mwen te konn achte sou yon mwa travay mwen oblije tann 2 mwa pou kòb la rive

Devalyasyon goud la (apati 9 dawout, dola ameriken an te koute 93,29 goud) afekte lavi kotidyen ayisyen ann Ayiti kou a letranje. Pri pwodui ke moun itilize chak jou ap monte chak jou, e biznis lokal kontinye soufri ansanm ak ekonomi peyi a. Genyen anpil rezon ki lakòz sa k ap pase ak goud la : eskandal politik ansanm ak pri petwòl ki ap monte, depandans peyi a sou pwodui enpòte, koripsyon, elatriye.

Nou menm nan Woy Magazine, nou chache konney istwa ak eksperyans sou ki jan goud la ki ap desann lan ap afekte lavi lektè nou yo. Men kèk nan istwa ke lektè yo te pataje avèk nou.

Repons 1:

Mwen travay anpil e du men kapasite acha mwen redwi. Kounye a mwen travay pou mete manje sou tab sèlman depi gen yon depans an plis se yon pakèt jimnastik pou kole bout. 

Repons 2:

Menm yon bidje ou pa ka fe kounya ak ti monnen ki rantre nan menw lan. Pri okenn pwodui pa stab, prix ki en dola yo menm magazen yo few peye a taux ki Nan lide yo. Prix kay ogmante, prix lekol ogmante,

Repons 3:

Goud kap monte an c ou katastwòf pou mwen. Mwen c ou pwofesyonel kap travay depi 35lane. Nan tou lòt peyi m ta sipoze pran retrèt mwen nan 2 lane. Le ou moun tankoum nan laj li rive a, fok m ta gen ou seri ti lwazi m ta gen dwa genyen: ti jounen nan lanmè, ti manje nan restoran, ti voyaj le m gen konje. M pa gen chans sa a. Enplis travay mwen, m tounen ou jobè pou rive fem viv jan m te konn viv la. Tou sa m fe kòm lajan pase nan manje. Anyen pa ret nan men m apre. Sa red ampil pou mwen le m konsidere se pa dola ki entre nan men m kidonk sa m touche vin mwatye sa m te touche gen 10 lane. Map fe bak

Repons 4:

Lojik, pwodwi yo ap monte, mw achte sou kat kredi mwen an dola ameriken, imajine ke nan mwens ke 2 ans mw pèdi $200 USD lèm evalye salè mwen an dola. 

Mwen te nan yon ti sòl an goud. Mwen fè bidjè a pou 64 goud pou yon dola poum ka achte yon machin, distans poum touche sol la dola a rive 75 goud. Kob la vin two piti. Kounya li 93 goud, li vin pi piti ankò, mwen vin wè pa gen mwayen pou ekonomize an goud, sinon se pèdi w ap pèdi. Mwen vin pi pòv paske se yon ti kras bagay m k ekonomize ak kòb mwen kounya. Li afekte m. Sa mwen te konn achte sou yon mwa travay mwen oblije tann 2 mwa pou kòb la rive

Repons 5:

Bon mwen oblije travay pou m jwen plis et kote pam, vi an pa fasil menm. E m komanse dekouraje ak vie an paske wap travay sanw pa konnen poukisa wap travay pa fwa. M ap poze tet mwen kesyon kisa mwen ka realize nan moman sa 

Repons 6:

Mwen gen projet de sortie m pou m remèt nan Inivèsite m pou jwenn licence mw, le coût est en USD, m ap travay e m ap touche an goud..récemment m chanje 30000 goud, li ban m 319USD. E m sanse bezwen plus de 1500USD. M oblije pran yon 2èm djòb, m travay plis e pi di, m oblije pa ka fè tèt mwen plezi..

Mwen eseye, dans la mesure du possible, jwenn des rentrées en USD. Multiplier mes sources de revenues. Mwen vin tou gen kapasite pou m konn sa m vle ak sa m bezwen, so m redui depans mwen yo considérablement.

Repons 7:

Mwen vin pè depanse lajan. Tout bagay chè. Mwen paka soti al manje pou plezi, mwen sèlman manje pou nouri tèt mwen.

Repons 8:

Nan moman an, m ap viv Ozetazini men m ap travay sou yon kontra avèk yon ONG ann Ayiti. Pou mwen, gou ki ap pèdi valè a vle di mwen gen mwens dola ameriken nan men m nan fen mwa a paske se an goud mwen touche. Mwen oblije chanje bidjè mwen chak mwa paske kòb ki nan men m lan toujou ap chanje. Fòk mwen rete 

Repons 9

Mwen se yon pwofesyonèl ki depann sou kliyan. Poutèt devalyasyon goud la, lavi  vin pi chè. Konya mwen gen mwens kliyan, ki fè m oblije redui depans mwen. Mwen pa menm ka ale an vakans ane sa.

Pa gen solisyon, bò kote pa m. Nou tout depann sou ekonomi peyi a. Tout monte desann yo. Nan moman an, sèl sa m ka di se ke mwen redui depans mwen, e mwen sispann soti ale nan restoran etc

Repons 10:

M ap mouri an silans