This post is also available in: English

Aprè siksè fim dokimantè li a, Douvan Jou Ka Leve, Gessica Geneus enfòme Woy Magazine ke li fin fè tounaj pou yon nouvo fim sa pa gen twò lontan. “Freda se yon pòtrè de fanm, de fanmi, prensipalman de fanm nan konteks atyèl kriz sosyopolitik Ayiti.”

Geneus te pran yon lòt wout pou antre nan mond mizik li a avèk albòm li a ki te rele “Ase.” Menmsi pwojè mizikal te prezante yon nouvo fasad sineyas ak aktris ke nou vin abitye e renmen, tèm ki toujou prezan nan travay Gessica rete menm: yon lanmou pou istwa, eksplorasyon diferan aspè nan lavi yon fanm avèk relasyon. Freda kontinye sou menm tandans sa. Geneus di nou “Freda ouvri yon poòt sou istwa yon fanmi.” E menm si se yon istwa fiktif, Genus rakonte eksplike nou ke se vi pèsonèl li ki enspire anpil pati nan istwa sa. “Se komsi mwen pran relasyon ant mwen menm ak manman m ki nan dokimante lan, mwen pwolonje eksplorasyon rapo mwen menm ave l, rapo li menm avek gran se m, rapo li menm avek ti fre m nan Freda.”

Geneus te gen entansyon jwe wòl prensipal Freda a, men aprè li te asiste Festival 4 Chemins a, li dekouvri nouvo talan ki enspire li reimajine fim lan epi bay platfòm lan de preferans. Fim sa ki fèk fin toune nan mwa janvye a te gen yon ekip ki esansyèlman ayisyen, e li gen nouvo ak ansyen talan ke Geneus kontan fè nou dekouvri. Nehemie Bastien nan wòl Freda, Gaelle Bien-Aimé, Cantave Kervens, Paula Peant, Bertrand Roy, Djanaina François, ak anpil lòt.

Freda antre nan estad pwodiksyon konya. Geneus swete soti fim sa nan ane 2020 a. Nou paka tann.