This post is also available in: Kreyol

“Alawonnbadè” is Woy Magazine’s creative writing section: short stories, poetry and more!

 

Mwen ta renmen…

Gen menm gou ak zaboka ayisyen

Men m’ pa ta renmen

Grenn vant mwen

Tounen balon foutbòl

Nan pye okenn tigason dezòd

 

Mwen ta renmen…

Santi bon tankou yon mango

Men fòk se ta yon mango batis

Pa gen ni sal men ni fil nan dan

Men, mwen ta jennen

Wè m tounen yon merilan

 

Mwen ta renmen…

Gen menm pouvwa ak kowosòl

Men fòk kò’m pa ta sanble ak kò’l

Sa twò fèm sonje Lè « Akne »,

Gwo bouton nan machwè

Te soti pou fèm pèdi tèt mwen

 

Sa ki ta fè’m kontan nèt …

Se si m ta ka bèl

Tankou yon pye flanbwayan

Ki makònen ak yon pye Lorye

Men fòk mwen ta layite

Sou de bò wout ayewopò Pòtoprens.

 

Lunise Jules

Port-au-Prince, Haiti

 

 

 

 

 

 

Photo Credit: Samuel Dameus

IG/Twitter: @TiSamy2k

Tumblr: tisamy2k.tumblr.com